საზოგადოებრივ კოლეჯ პანაცეას პროფესიული საგანმანათლებლო პროგრამა საექთნო საქმის ხელმძღვანელი ლეილა ვოსკანიანი და პროფესიული საგანმანათლებლო პროგრამის მასწავლებელი(ინკლუზიური განათლების სპეციალისტი) ქეთევან ბერუაშვილი იმყოფებოდნენ SIOP Asia 2023 XV ყოველწლიურ კონგრესზე, რომელიც ჩატარდა 2023 წლის 18-21 მაისს ერევანში, სომხეთში.

კონგრესი მიზნად ისახავდა მსოფლიო პედიატრიული ონკოლოგიის საზოგადოების გაერთიანებას, რათა გაეზიარებინათ უახლესი კვლევის შედეგები, იდეები და განვითარება პედიატრიული ონკოლოგიისა და ჰემატოლოგიის ყველა სფეროში. საერთაშორისო კონგრესზე შეხვედრა გაიმართა წამყვან აკადემიურ მეცნიერებთან, მკვლევარებთან, ექიმებთან, ექთნებთან , ლექტორებთან, ფსიქოლოგებთან და მეცნიერებთან მთელი მსოფლიოდან. კონგრესი გაიმართა ლოზუნგით „Per Aspera Ad Astra“ - „გაჭირვებით ვარსკვლავებისკენ“