მასაჟის თერაპია

 პროფესიული საგანმანათლებლო პროგრამა – მასაჟის თერაპია

პროგრამის ხელმძღვანელი – რუსუდან მერმანიშვილი

მისანიჭებელი კვალიფიკაცია (ქართულ და ინგლისურ ენებზე) – უმაღლესი პროფესიული კვალიფიკაცია მასაჟის თერაპიაში; Higher Vocational Qualification in Massage Therapy

მიზანი – პროფესიული საგანმანათლებლო პროგრამის მიზანია, როგორც ადგილობრივი, ასევე საერთაშორისო შრომის ბაზრისთვის მოამზადოს კონკურენტუნარიანი კადრები, რომლებიც აღჭურვილი იქნებიან  ყველა იმ საჭირო თეორიული ცოდნით და პრაქტიკული უნარ-ჩვევებით, რაც განსაზღვრულია პროფესიის სტანდარტით.

დასაქმების შესაძლებლობები

მასაჟის თერაპისტი შეიძლება დასაქმდეს:

• სამედიცინო დაწესებულებებში (საავადმყოფო, პოლიკლინიკა, დისპანსერი, რეაბილიტაციის ცენტრი/კლინიკა, სანატორიუმი);
• დაწესებულებებში, რომლებიც ემსახურებიან შეზღუდული შესაძლებლობების მქონე პირებს (პანსიონატები, დღის ცენტრები, ინვალიდთა სახლები);
• ესთეტიკური რეაბილიტაციის ცენტრებში, ჰიგიენურ სალონებში, სპა ცენტრებში (კურორტები: სანატორიუმი, სასტუმრო), ასევე ოფისები -კერძო კაბინეტები;
• საბავშვო დაწესებულებაში სამკურნალო ვარჯიშის და მასაჟის კაბინეტში (სკოლამდელი აღზრდის დაწესებულებები, სკოლები, ცეკვის სტუდიები);
• სპორტულ-გამაჯანსაღებელ ცენტრებში (სპორტული დარბაზები, სპორტული კლუბები, აუზები, ცეკვის სტუდიები);
• ბინაზე -მომსახურება შეიძლება გაუწიოს ექიმ-რეაბილიტოლოგის დანიშნულებითა და მეთვალყურეობით.

დაშვების წინაპირობა

1. სრული ზოგადი განათლება
2. ასაკი არანაკლებ 18 წელი

სწავლის შედეგები

კურსდამთავრებულს შეუძლია:

1. გამოიკვლიოს პაციენტი/კლიენტი და შეაფასოს მისი მდგომარეობა;
2. აღწეროს მასაჟის ანატომიურ-ფიზიოლოგიური საფუძვლები;
3. გამოიყენოს ბიოეთიკისა და დეონტოლოგიის პროფესიული ასპექტებისა და ურთიერთობის ფსიქოლოგია;
4. მოაწყოს უსაფრთხო სივრცე მასაჟის პროცედურის ჩასატარებლად;
5. აღწეროს მასაჟის თეორიული საკითხები;
6. გააკეთოს კლასიკური (შვედური) მეთოდიკით ზოგადი და რეგიონალური მასაჟი;
7. გააკეთოს სამკურნალო მასაჟი;
8. გააკეთოს სპორტული მასაჟი;
9. გააკეთოს ადრეული ასაკის ბავშვთა ზოგადგამაჯანსაღებელი და სამკურნალო მასაჟი;
10. გააკეთოს პრევენციული (პროფილაქტიკური) მასაჟი;
11. განახორციელოს პირველადი გადაუდებელი დახმარება;
12. იზრუნოს საკუთარ პროფესიულ განვითარებაზე;
13. განახორციელოს ესთეტიკური მასაჟი .

ელექტრონული ბიბლიოთეკა